Ei magisk eventyrreise

Det er laurdag ettermiddag og snart klart for premiere på barne-og ungdomsteatergruppa i UL Skjoldafjord si siste storsatsing. Ein siste gjennomgang av opningssongen er unnagjort, dansetrinna set som dei skal og replikkane er terpa inn til minste detalj. Nervane er under kontroll og nå står det berre igjen å sjekka sminke og kostyme før teppet kan gå opp.

— Me er ikkje nervøse, seier dei tre unge skodespelerane Stina Halleland (16) Harald Stuhaug (12) og Liv Skjold (12) og gler seg til å stå på scenen.