— Eg er glad for at eg har så mange fine folk rundt meg

— Kva er din favoritthobby?

— Eg er veldig glad i alt som har med dans å gjere, men danser dessverre litt for sjeldan

— Kor reiser du helst på ferie?

— Norgesferie er nok favoritten min

— Kva er det beste med bygda du bur i?

— Nærleiken til både fjell og sjø og så bur det jo mange kjekke folk her.

— Kva saknar du i bygda di?

— Har det meste, men eit litt bedre dansetilbud kunne eg tenkt meg.(sjølv om eg nå er gammal nok til å gå på Vi over 50… )

— Kva er ditt favorittmåltidet?

— Så lenge det er skikkelig godt, så kan det vere så mangt.Berre det ikkje er for sterkt.

— Kva gler og kva irriterer deg mest?

— Eg er glad for at eg har så mange fine folk rundt meg, for at eg bur i flotte Vindafjord og for at ungane snart kjem heim til jul. Den vonde lukta eg har kjent på i årevis mellom Ølen skule og krysset v/Ølen Møbel er irriterande. Håper nokon snart finn ut kva som gjer det.

— Dersom du hadde politisk makt, kva ville du kjempa for?

— Då måtte det bli ei øyeblikkelig våpenkvile i verda og at landets kommunar får overført meir penger sånn at ikkje alt dreier seg om kutt og nedlegging.

— Kva gjer du når du skal unne deg noko ekstra?

— Er veldig glad i ulike typer kulturarrangementer, så det blir fort ein konsert av eit eller anna slag. Eventuelt ut å danse litt

— Kva er ditt beste barndomsminne?

— Eg er oppvaksen like ved skulen i Nedre Vats og hadde kort vei til alle aktivitetar, enten dei var på skulen eller bedehuset. Det å ta del i dette ilag med alle vennene mine ser eg tilbake på med stor glede. Men alle timane på fotballbanen var nok aller gjevast.

— Kven ser du mest opp til? 

— Det må vere dei som bruker av tida si for å gjere noko fint for andre.