E-lagsaksjar til bry
Aksjane i Etne Elektrisitetslag AS er fordelt på hundrevis av eigarar. Fleire av desse må betala formuesskatt frå økonomisk uomsettelege eigarskap. No blir det varsla ekstraordinær generalforsamling.
Det var 651 personar og verksemder som i 2018 blei tildelt eigardelar då føretaket gjekk frå å vera eit samvirkeforetak (SA) til eit aksjeselskap (AS). Storleiken på aksjepostane var i forhold til samhandelen med elektrisitetslaget.
Formuande
Fleire av eigarane er naturlegvis likningsmessig formuande og må dermed skatta av nettoformua. Det er normalt, men det spesielle med desse aksjane er at dei ikkje er omsettelege på annan måte enn at dei kan bli gitt som gåve tilbake til selskapet eller til andre privatpersonar eller føretak som tilfredstill krava for å erverva aksjer i samsvar ned vedtektene.
