Duka for kjekke aktivitetar og show på Etnemarknaden
Frå start til slutt vil det vera kjekke aktivitetar for både store og små på Etnemarknaden. I år som i fjor skal rundt 130 bodar stille ut ulike gjenstandar. Utvalet er både variert og innhaldsrikt. Årets gjesteutstillar er Gert Eilerås. Han byr på alt i frå motorsyklar og bilar til maleri og piercing heile helga.
— Det blir Lego-bygging med Gregorzky BrickWorld, dyreutstilling, aktivitetspark med mykje meir, fortel Ronny Gjermundsen.
På fredagen skal Silje Bakke og PandaPanda opptre på ungdomskonsert. Dette håpar dei slår godt an hos ungdommen. Den tidlegare suksessen Kveldsdrøs held fram, og i år kan ein forvente fire nye gjester som har mykje å bidra med. Drøsen finn stad i kinosalen.
