DNT ung: – Det hastar å grunnlovsfeste allemannsretten

DNT ung hadde sitt landsmøte på Haukeliseter fjellstue førre helg. På landsmøtet blei det vedteke ein resolusjon som ber stortingspolitikarar gjere allemannsretten grunnlovsfesta, skriv ungdomsorganisasjonen i ei pressemelding.

Ei grunnlovsendring krev 2/3 fleirtal i to ulike stortingsperiodar. I førre stortingsperiode stemte eit fleirtal av stortingspolitikarane for grunnlovsfestinga av allemannsretten.

Leiar i DNT ung, Anna Nes, seier vi undervurderer kor stor trusselen mot den norske friluftstradisjonen kan bli i åra som kjem.