Lukas Thör, Henrik Hamre Hjelmeland, Inger Tvedt Miljeteig, Maria Skrunes Tjelmeland og Lovise Skrunes er eit knippe av årets russ ved Ølen vidaregåande skule. Nokon av dei vel å ta ei friår, medan andre er klare for å studere vidare. Ein ting har dei til felles: dei vil alle attende til heimstaden sin, ein eller anna gong i framtida.
Ann Margit Grønstad
Yrke og utdanning:
Dette vil ungdomane gjere etter vidaregåande
Korleis ser framtida ut for ungdomane som snart er ferdige med vidaregåande? Me har snakka med fem elevar frå ulike stader i distriktet som alle går siste året på studiespesialiserande ved Ølen vidaregåande skule. Elevane deler tankar om utdanning, jobb og val dei står overfor nå som søknadsfristen til høgare utdanning stadig nærmar seg.
Lovise Skrunes (18), Vats
Kvifor valde du studiespesialiserande?
— Eg var ganske usikker. Eg hadde bestemt meg for å gå helse- og oppvekstfag,
men endra det rett før søknadsfristen. Eg visste at eg ville ta påbygg uansett, fordi
eg ville studere. Så eg visste at det var lettare å gå studiespesialiserande, for då kan du forberede
deg litt meir på studietida.
