Ingrid Mathilde Sørvåg i Utdanningsforbundet ved Skjold skule meiner det slit både på elevar og lærarar å ha det trongt og tett på grunn av brannen for eitt år sidan. At tida går og ingenting skjer, blir opplevd som frustrerande.
Foto: Jon Edvardsen
Det har snart gått eitt år sidan brannen ved Skjold skule. Ingen veit kor lenge elevar og lærarar må leve med provisoriske løysningar.
Den rydda branntomta er eit tomrom midt i Skjold skule, og elevar og tilsette må leve i unntakstilstand kanskje fram til 2021. Knappe eitt å etter brannen er forsikringsoppgjeret framleis ikkje i orden.
Brannen midt i hjartet av Skjold skule vart oppdaga rett etter skuleslutt torsdag 1. mars i fjor. Det nærmar seg eitt år etter brannen, og tomrommet i sentrum av skulen er gjerda inn. Forsikringsoppgjeret med KLP Forsikring er enno ikkje klart, og Vindafjord kommune ventar på eit svar før det er aktuelt å lyse gjenoppbygginga ut på anbod.
Slit på alle
Provisoriske løysingar i den daglege drifta har konsekvensar for både lærarar og tilsette.
