Montering av batteripakken skjer både ved stålarbeid frå Westcon Yard og installasjonen av Westcon Power & Automation der avdelinga på Karmøy leverer produktet, opplyser formann Rune Sørheim i WPA.
Foto: Jon Edvardsen
Det grøne skiftet gir jobb for Westcon
Det grøne skiftet er blitt ein betydeleg del av aktiviteten til Westcon Power & Automation. Det handlar om batteri i skipsfarten, og hydrogen.
Det grøne skiftet er i ferd med å ta over som den største marknaden for Westcon Power & Automation (WPA). Og elektroselskapet i Westcon-gruppa får tillit, også for pionerarbeid på feltet.
Batteri erstattar ikkje dieselmotorar på skip, men kan føre til eit par titals prosent innsparing på forbruket av drivstoff. For ferjer derimot som går på korte strekningar og kan lade ved kai, blir det stadig fleire som utelukkande går på elektrisitet.
