Denne bedrifta reduserte utsleppa med 20 prosent
Ottar Skjold Maskin AS har ei fartstid på snart 47 år, og frå 2021 kan dei også kalla seg eit miljøfyrtårn. Med fokus på lågast mogleg Co2-utslepp og økonomisk køyring, har dei redusert utsleppa med 20 prosent.
Håvard Skjold (39) er dagleg leiar i Vats-bedrifta som blei etablert i 1974 av faren, Ottar Skjold (74). Dei siste åtte åra har han sete med leiaransvaret, og i fjor bestemte han seg for å vera med på å bidra til det grøne skiftet. Reduserte Co2-utslepp og eit meir klimaøkonomisk bruk av tunge køyretøy, var det han ville konsentrera seg om.
— Me byrja å fokusera på reduksjon av utslepp, før Miljøfyrtårn blei nemnt, men etterkvart såg me at me allereie hadde mykje på plass i forhold til kriteria. Mellom anna innan både avfallshandtering, arbeidsmiljø, HMS, utsleppsreduksjon, og økonomikøyring, seier Linda Bjelland Skjold (38), som sit i administrasjonen i bedrifta. Ho er også gift med dagleg leiar.
Viktig verktøy
