Den største endringa sidan starten
Gløym det gamle utstillingsområdet på skuleplassen som har vore sentralt sidan starten i 1981. Etnemarknaden har dette året tatt eit stort og viktig steg i utviklinga av arrangementet.
Vegen øvst på bildet – Fv. 34 – er ofte omtalt som gamlevegen til Skånevik. Der den tidlegare har delt Etnemarknaden på midten, vil den i årets utgåve bli grensa mot sør.
Med andre ord; heile arrangementet er nå flytta på nedsida av fylkesvegen. Marknadsleiar Anita Larsen forklarar den største endringa etter starten for snart 40 år sidan, slik.
— Me vil skapa ein meir komprimert marknad, som vil gi betre oversikt og gjera det lettare for publikum å orientera seg. Også for utstillarane blir dette ei betring.
