Bjørn Asgeir Alvseike frå Ølen, Solveig Kringlebotten frå Etne og Torleif Stople frå Skjold er tre av fem styremedlem i Stiftelsen Huset. Nå har dei seld Feedback-huset, og vil gi avkastninga til kristent barne- og ungdomsarbeid.
Grethe Hopland Ravn
Deler ut pengar etter sal av Feedback-huset
Stiftelsen Huset har 2,4 millionar kroner på bok etter salet av Feedback-huset i Eiodalen i Ølen. Nå inviterer styret lag og organisasjonar til å søka om midlar til kristent barne- og ungdomsarbeid.
Feedback-huset i Eiodalen i Ølen blei selt i juli
i fjor, og salet gav Stiftelsen Huset ein sum på 2,4 millionar kroner som nå
står på konto. Etter vedtektene skal sjølve grunnkapitalen takast vare på, mens
avkastninga av pengane skal fordelast til føremålet stiftinga er oppretta for.
Dette er første gong stiftinga deler ut midlar
etter at huset blei selt. Sidan salet skjedde midt på sommaren, vil avkastninga
denne gongen berre gjelda for eit halvt år.
— Avkastninga denne gongen blir berre for eit
halvt år, men til neste år kan det bli snakk om meir pengar. Det kjem an på
rentenivået, opplyser Bjørn Asgeir Alvseike.
