Fleire enn ni av ti elevar i grunnskulen har tilgang til eiga digital eining, viser nye tal.
Foto: Gorm Kallestad / NTB / NPK
Dei fleste grunnskuleelevar har tilgang på eigen skjerm på skulen
Fleire enn ni av ti elevar i grunnskulen har tilgang til eigen digital skjerm, viser nye tal.
– Alle læremiddel kan brukast klokt og uklokt. Det er korleis og når einingane blir brukte, som avgjer om undervisninga blir god, seier direktør Morten Rosenkvist i Utdanningsdirektoratet.
94 prosent av elevane i grunnskulen har tilgang på eigen digital skjerm, viser nye tal frå Utdanningsdirektoratet. I 280 kommunar har alle elevar tilgang på eit slikt hjelpemiddel.
– Alle elevar treng og skal utvikle god digital kompetanse og dømmekraft, i takt med alder og modnad. Digitale verktøy bør brukast trygt, gjennomtenkt og når det bidreg til læring, seier Rosenkvist.
