Dansar inn i filmverda

Vindafjord kulturskule har rundt 60 elevar fordelt på dei fleste bygdene i kommunen. Eit par gonger i året inviterer dei til førestilling, og om få dagar brakar det lus igjen. Denne gong med framsyninga «Inn i filmverda» på Ølen kulturhus.

— Me gler oss veldig. Dette skal bli gøy, seier Jenny Haaland (10), Mathilde Berntsen (11) og Hannah Fosse (11) og gler seg til den store framføringsdagen 23. april.

Dei tre jentene er elevar ved Vindafjord kulturskule og med i ei av dansegruppene som skal opptre under vårførestillinga. Dei har øvd i fleire veker og denne øvingskvelden har dei sett av eit par timar til gjennomgang av dei ulike dansetrinna som inngår i dei to dansane dei skal framføra.