William Tysnes (t.v.) er lærling hjå Berge Sag, der han får prøve seg på fleire ulike prosjekt. I Ølen er han i sving med garasjebygging, og har med seg fagarbeidar Håkon Brekkå (27).
Ann Margit Grønstad
Bygger framtida - bokstaveleg talt
I Ølensvåg bygger Berge Sag Fagbygg AS ikkje berre hus, men også framtidige fagarbeidarar. Lærlingar og tilsette fortel om ein arbeidskvardag prega av variasjon, meistring og stor etterspurnad etter kompetanse.
For lærling William Tysnes (18) og tømraren Håkon Brekkå (27) handlar arbeidskvardagen i Berge Sag om meir enn plank og spikar. Det handlar om skaparglede, meistring – og om å sjå konkrete resultat av det ein gjer, kvar einaste dag.
— Det er gode utfordringar, og kjekke prosjekt. Ein er fysisk aktiv kvar dag, og det er synleg kva ein har gjort på jobb den dagen, seier Håkon Brekkå frå Ølensvåg, som har jobba i Berge Sag i fire og eit halvt år.
Han valde ei heilt anna retning enn han først hadde sett føre seg.
