Butikkhistorie frå bygd til by

Den første butikkboka kom ut i 2019, og no er oppfølgjaren klar. Forfattarane har gode føresetnader for å kunna få i stand eit bokverk om daglegvarehandelen. Thorsen er mangeårig kjøpmann, og tidlegare lokal leiar for samanslutninga Kjøpmannskjedene. Han har dermed tileigna seg mykje kunnskap om kvar enkelt butikk.

Henden er ein habil skribent, med lang erfaring frå grossistbransjen, og forleggjar Vormedal tek nok ein gong utgjevaransvaret for eit bokprosjekt med lokalhistorisk tilsnitt.

I ein tidsalder med standardisering og landsdekkande kjeder i daglegvarebransjen, er det fint å få repetert korleis butikklivet var organisert tidlegare, med kjøpmenn og assistentar som bak svære diskar ekspederte kundane i tur og orden, gjerne i tronge lokale.