Då Vigdis Madssen frå Teigland i Åkrafjorden vakna opp til det ho trudde var ein tannbyll, hadde ho aldri trudd at det skulle ta ti timar å få hjelp til behandling. — Etne kommune må sørgja for å ha skikkelege helsetenester også i sommarferien, seier Madssen.
Foto: Grethe Hopland Ravn
Brukte ti timar på å få hjelp
Då Vigdis Madssen (60) vakna med store smerter i ansiktet, ante ho lite om at det skulle ta ti timar for å få hjelp. Smerter under auga og stor tannbyll i munnen gjorde at ho kontakta både tannlege og legesenter, men blei avvist.
Vigdis Madssen hadde kjent på at det murra i både kjeve og kinn eit par dagar, og undra seg litt over kva dette kunne vera. Då ho vakna på tredje dagen var det til store smerter i kinn og under auga, og ein stor tannbyll i munnen.
— Det første eg gjorde var å kontakta tannlegen min, men han hadde ferie. Då ringde eg til alle tannlegane eg kunne komma på, både i Etne, Vindafjord og i Odda. Svaret eg fekk var enten at dei var på ferie, eller at dei hadde sprengt kapasitet og ikkje kunne ta i mot fleire pasientar. I Etne var det ikkje ein einaste tannlege på jobb, og det synest eg er alt for dårleg. Korleis kan Etne bli ein attraktiv stad å flytta til, dersom me ikkje kan få hjelp om me får tannverk i ferien?, spør 60-åringen som bur på Teigland i Etne.
Svært helsefarleg
