Brannvesenet rettar opp avvik etter tilsyn

Astrid Vestbø, leiar førebyggande i EBR, har sendt ei tilbakemelding til Direktoratet for samfunnstryggleik og beredskap (DSB),der ho gjer greie for korleis avvika skal lukkast innan fastsette fristar.

Eitt av dei største avvika DSB fann vet eit tilsyn på seinhausten i fjor var at Etne brann og redning ikkje hadde inngått formelle bistandsavtalar med andre samvirkeaktørar. Dette kunne føra til utfordringar i situasjonar der ekstern bistand var nødvendig. For å retta opp mangelen har kommunen, som Grannar tidlegare har meldt, inngått ein samarbeidsavtale med Sauda kommune, som frå 1. januar 2025 leverer tenester som leiar for beredskap i Etne.

Brannvesenet har òg blitt medlem av Vest brann- og redningsorganisasjon (VBR), som legg til rette for samarbeid mellom sjølvstendige brannvesen i regionen. Gjennom medlemskapen vil Etne brann og redning kunna sikra raskare og meir koordinert innsats ved større hendingar. Avviket skal vera lukka innan 31. desember 2025.