Brann-konsulent reagerer på uttalar

Einang Safety Consult er selskapet som har utarbeidd tre analysar for Etne kommune. Ei risiko- og sårbarheitsanalyse, ei førebyggjandeanalyse og ei beredskapsanalyse. Det er desse som til saman har gitt grunnlaget for brannordninga som blei vedtatt av kommunestyret i fjor juni.

Det er også oppfølginga av denne brannordninga som er verkebyllen i den langvarige konflikten mellom kommuneleiinga og leiinga i Etne brann- og redning, ei konflikt som Grannar har skrive om i fleire omgangar dei siste månadane.