Brann i smie i Vikebygd
Nødetatane rykte natt til søndag ut til ein brann i ei smie i Vikebygd. Smia stod ikkje i bruk, og det var ingen fare for spreiing. Politiet har avhøyrt personen som disponerer bygget, og ei sak er no oppretta.
Publisert
Sist oppdatert
Det var klokka 01.17 at nødetatane fekk melding om brann i ei smie på ein eigedom i Vikebygd i Vindafjord. Ifølgje operasjonsleiar Olaug Bjørnsen var bygget ikkje i bruk, og det var på dette tidspunktet ingen indikasjonar på at brannen kunne spreia seg vidare.
Brannvesenet starta sløkkearbeidet kort tid etter og fekk raskt kontroll på flammane. Politiet gjennomførte undersøkingar på staden mens brannmannskapa arbeidde.
Annonse
Avhøyr og sak oppretta
Brannen i smia, som er på om lag 5×5 meter, var heilt slukka klokka 02.33. Politiet har avhøyrt personen som disponerar bygget. Vedkomande skal ha grilla i smia tidlegare på kvelden. Politiet opplyser at sak er oppretta.
Ingen personar skal ha kome til skade i brannen. Politiet jobbar vidare med å kartleggja årsaka til brannen, blir det opplyst.
