Festivalgründer Alf Warloe Christophersen utanfor House of Blues i Skånevik.
Arkivfoto: Grethe Hopland Ravn
Bluesen attende på lekter
Tre år har gått sidan det sist var ordinær bluesfestival i Skånevik, og om halvanna veke brakar det laus igjen. Dette er for 25. gong, og no tar Alf Warloe Christophersen tilbake lekteren, og droppar teltet på idrettsplassen.
Bluesgeneral Alf Warloe Christophersen synest det beint fram er heilt herleg å endeleg kunna satsa på ein skikkeleg festival igjen, etter to år med både mini-festivalar og publikumsrestriksjonar.
— Nå er eg klar for å ta i mot mange glade menneske som har venta lenge på at det skal bli blusefestival i Skånevik igjen. Mange har sagt at dei gler seg stort, seier bluessjefen.
Han merkar likevel at det er visse utfordringar som følgje av både pandemi og krig. Frivillige sjeler som kan bidra med dugnad har det vore vanskeleg å få tak i, og han manglar framleis mange som kan ta ei vakt og to. Teltbyggjarane har han også måtte klara seg utan i år.
