Økonomisjef Filippo Ballarin (t.h.) gjekk gjennom årsrekneskapen for 2021 med eit samla formannskap i Etne måndag. Netto driftsresultat blei 9,2 millionar kroner.
Foto: Grethe Hopland Ravn
Betre enn budsjettert
Etne kommune sin årsrekneskap for 2021 blei presentert for formannskapet måndag denne veka, med eit positivt driftsresultat på 9,2 millionar kroner. Opphavleg budsjett var på 3,6 millionar og justert budsjett var på 5 millionar kroner.
— Det er eit greitt resultat, og mykje betre enn budsjettert. Me hadde gode skatteinntekter i fjor, og den underliggjande drifta går fint, seier kommunalsjef Bjørn Tollefsen, og legg til at koronautgiftene i fjor belasta rekneskapen med rundt fem millionar kroner.
Ein knapp million av dette er på utgifter kommunedirektøren meiner dei absolutt burde få dekka. Fire millionar kroner er på indirekte utgifter, som han også synest dei burde få inndekning for.
