Bålmat med ryfylkekokken blei eit høgdepunkt

Det var eit imponerande matlagingsshow som møtte turfolket ved dagsturhytta Vadhytta førre helg. Den utflytta sandeidbuen Frode Selvaag, betre kjend som ryfylkekokken, hadde tatt turen saman med kona Cathrine for å gi smakebitar på korleis ein kan trylla fram gode rettar – berre med bål og enkle råvarer.

Ryfylkekokken er eit selskap som spreier matglede og matopplevingar med Ryfylke som utgangspunkt. Frode Selvaag har gått læretida si hos Arne Brimi på Fossheim Hotell, og blei i 2016 kåra til Årets Kjøkkensjef av Norske Kokkers Landsforening. I dag driv han og Cathrine Restaurant Landahuset på Finnøy – men sist helg hadde dei latt restaurant vera restaurant og møtte publikum ute i det fri.

Bålrøykt aure og egg i blikkboks