Arne og Torger Ohm har hatt godt boksal før jul.
Irene Mæland Haraldsen
Auke i boksalet før jul
Tal frå Bokhandlererforeningen viser at det i
2024 blei det selt 6,7 millionar bøker i norske bokhandlarar. I 2025 ser talet ut
til å bli rekordstort. Alt i veke 50 var talet oppe i 7,1 millionar. Det betyr
ein auke på 6,5 prosent samanlikna med fjoråret. Særs stor var oppgangen i
november 2025, med nesten 20 prosent høgare sal enn i november 2024. Også ved
Ølen Bok og Papir i Ølen har årets boksal passert fjoråret, og er i tillegg til
leiker ein av dei viktigaste inntektskjeldene for butikken i julemånaden.
— Me sel mest leiker og bøker før jul.
Mange brukar bøker som julegåve og boksalet er litt betre enn i fjor.
Det seier
Torger Ohm (84) som starta Ølen Bok og Papir saman med kona Astrid for over 40
år sidan og har mange års erfaring i butikkbransjen.
