Frå fredag 4. april klokka 02:00 er det venta ei kraftig auke i skogbrannfaren i snøfrie område i både Etne og Vindafjord. Det er Meteorologisk institutt som står bak farevarselet, som gjeld både Rogaland og Vestland.
Instituttet opplyser at vegetasjonen er tørr, og det skal lite til før ein liten gnist kan føra til storbrann.
Skogbrannfareindeksen viser at store område kan bli råka. I denne fasen er det særleg gras og lyng som er utsett. Faren for skog- og grasbrann aukar spesielt dersom det kjem meir vind, noko som både tørkar ut vegetasjonen og spreier flammar raskt.
