Illustrasjonsfoto av oppdrettslaks
Arkivfoto: Arne Frøkedal
Alsaker kjøper Bolaks – lokal eigar avsluttar eit langt kapittel
Oppdrettsgiganten Alsaker-konsernet kjøper 100 prosent av Bolaks Group AS. For Reidun Holmefjord Børve, som er lokal eigar gjennom Trb Holding, markerer salet slutten på eit mange tiår langt eigarskap i eit av landets eldste lakseselskap.
Det var IntraFish som først omtalte at
Alsaker-konsernet kjøper Bolaks. Måndag blei oppkjøpet stadfesta gjennom ei
melding frå DNB Carnegie, som har vore rådgivar for Alsaker i transaksjonen.
Kjøpesummen er ikkje offentleggjort, og avtalen er avhengig av godkjenning frå
konkurransemyndigheitene.
Med oppkjøpet blir det danna det som blir omtalt
som Vestlandet sitt klart største privateigde oppdrettsselskap. Alsaker og
Bolaks vil samla få over 25.000 tonn i maksimal tillaten biomasse i
produksjonsområde 2 og 3, medan det samla produksjonspotensialet vil overstiga
50.000 tonn.
Eit av landets eldste lakseselskap
