Sidan 2022 har talet gått opp frå om lag 4000 til 5000 saker i året. Det gjekk fram av årsmeldinga til ombodet, som tysdag vart overlevert Stortinget.
– Mykje er bra med norsk offentleg forvaltning, men vi har òg gitt forvaltninga kritikk i fleire saker gjennom året, seier sivilombod Hanne Harlem.
Alle som meiner seg utsette for feil eller urett frå offentleg styresmakter, kan klaga til Sivilombodet når dei har prøvd alle andre klagemoglegheiter. Flest klager gjeld saksbehandlingstid og manglande svar. Andre vanlege klager gjeld trygd, sosialhjelp og barnebidrag, plan- og bygningssaker og helse- og omsorgstenester.
