Windafjord Port og grønvasking»

Dommersnes AS/Windafjord Port har nyleg oppdatert nettsida si.Mens vikebuane ventar på konsekvensutgreiing for støvproblematikk og sakshandsaming av dei over 80 høyringssvara som kom inn i det offentlege ettersynet for planforslaget, publiserer Windafjord Port svært positiv (ubalansert) omtale av kva dei tilbyr og vil tilby på Dommersnes. Dette blir av mange i Vikebygd opplevd svært usmakeleg og provoserande når motstanden er så stor som han er og når ein er midt i sakshandsaming av høyringssvar og konsekvensar.

Her er nokre sitat frå nettsida deira (positive skildringar er understreka av Bevar Ålfjordens Perle):

Windafjord Port er mer enn bare et industriprosjekt; det er et symbol på fremgang.»

Dette vil være en katalysator for lokal økonomisk vekst og vil også ha positive ringvirkninger for lokalområdet.»

Dette prosjektet kan være en kilde til fornyelse og levedyktighet for Vikebygd og Vindafjord kommune.»

Det vil også utnytte Westcons eksisterende kompetanse og infrastruktur for å maksimere den positive effekten på lokalsamfunnet.»

La oss se på Windafjord Port som et springbrett mot en mer bærekraftig og inkluderende fremtid, hvor vi alle har en rolle å spille i det grønne skiftet.»

Ved å ta en aktiv rolle i det grønne skiftet, posisjonerer Vikebygd og Vindafjord seg som en pioner innen fornybar energi. Produksjon og sammenstilling av flytende vindturbinenheter er et viktig steg mot en mer bærekraftig fremtid, og viser at regionen tar miljøansvar og det grønne skiftet på alvor. Tilflytting og revitalisering av lokalsamfunnet er en naturlig konsekvens av denne typen prosjekter. Med nye arbeidsplasser og økt økonomisk aktivitet, kan vi forvente en oppblomstring av lokale tjenester, skole og infrastruktur. Dette vil gjøre Vikebygd og omkringliggende områder mer attraktive for både nåværende og mulige nye innbyggere.»

Til grunn for gigantprosjektet, ligg eit enormt masseuttak på 11 millionar kubikkmeter fjell som før sprenging tilsvarer volumet av 94 stk Radisson Blu Plaza Hotel i Oslo (grunnflate 1000m2 og høgde 117m = 117.000 kubikkmeter)! Etter sprenging aukar volumet med minst 60 prosent til 17,6 millionar kubikkmeter stein som tilsvarer volumet av 150 Oslo Plaza bygningar! I tillegg er bakteppet at langt dei fleste av dei over 80 høyringssvara er kritiske til planforslaget og over 200 fastbuande (over 16 år) og nesten 250 hyttebuande i bygda har signert oppropet til Bevar Ålfjordens Perle mot planforslaget.

Vindafjord kommune og Westcon gjennom det felles prosjektet Windafjord Port, bør vera varsame med retorikken dei brukar i artiklane sine på nettsida til prosjektet. Tekstane står for mange fram som eit døme på “grønvasking” – der berekraftige ord og visjonar blir brukte utan å bli underbygde av fakta eller dokumentasjon.

Språket er grønt og ambisiøst, med omgrep som grøne arbeidsplassar», pioner innan fornybar energi» og revitalisering av lokalsamfunnet».

Ingen tal, analysar eller fakta underbyggjer påstandane.

Teksten er einsidig positiv og ser bort frå potensielle negative effektar – som naturinngrep, støy, støv, tap av biologisk mangfald, auka trafikk og lokal motstand.

Illustrasjon må vera KI-generert og viser vegetasjon, fjell, dalar og terreng som ikkje finst i Ålfjorden, noko som gir eit misvisande bilete av røyndommen.

Prosjektet er planlagt ferdigstilt først i 2032/33, i følgje nettsida, men kommunikasjonen framhevar allereie gevinstar som enno ikkje er realiserte.

Vindafjord kommune og innbyggjarane fortener ei ærleg og balansert framstilling av kva dette prosjektet faktisk inneber – for naturen, lokalsamfunnet og framtidige generasjonar. Når kommunen sjølv eig 50% av selskapet, bør nettopp openheit og truverd vera eit krav. “Grønvasking” er noko politikarar vanlegvis prøver å unngå – her meiner me og mange med oss dessverre at ei grense er kryssa.

Det er openbart at nettsida er laga både for å påverka politikarar og ulike direktorat i omreguleringsprosessen, i tillegg til å verka attraktiv ovafor potensielle partnarar og kundar.
I begge tilfelle er ei så einsidig, udokumentert framstilling problematisk – særleg når kommunen, innbyggjarane sin tenar, sjølv er tungt inne på eigarsida.

Kan deleigar Vindafjord kommune, ved sin representant i styret Kristian Reinert Birkeland, verkeleg gå god for slik ordbruk?

Jon Magne, styreleiar