Ølen Sanitetslag er oppe og går igjen. Her kasserar Oddvar Gregersen og Else Fosse framføre helsehuset som er seld, men der dei framleis disponerer kjellaretasjen.
Arkivfoto: Øystein Birkenes
Debatt
Saniteten i Ølen på fote igjen!
Etter snart halvanna år med låg aktivitet, både grunna korona, men også fordi me har fått nytt oppussa lokale i kjellaretasjen på helsehuset i Ølen, er me no i gang igjen.
Sanitetskvinnene er no klare til å bidra med aktivitetar og tilbod til lokalmiljøet igjen. Av aktivitetar framover skal me ha fest med naboforeiningane i Sandeid og på Bjoa, med viktige tema som kvinnehelse/likestilling, barn og unges oppvekstvilkår og psykisk helse. Hovudfokus denne kvelden vil vera på digitalisering og velferdsteknologi i morgondagens samfunn. Mitt fargerike nabolag» vil me òg få informasjon om. I tillegg skal me arrangere lefsebakekurs 27 og 28. oktober.
Me treng sårt nye medlemmer som kan støtte oss og bli med på det dei er interessert i! Drøymer du om strikkekafé? Eller om treffpunkt for fedrar i pappaperm? Kanskje om senior Quiz, bingo eller kafé med vitsestafett? Nokon vil kanskje ha bøy og tøy etter spaserturen eller kaffi og drøs. Temakveldar for ungdom kan òg vera noko.
