Næringslivet i Etne og Vindafjord – verdt å kjempe for!

Stian Skarheim Magelssen tek opp ei viktig utfordring: Korleis kan vi sikre næringslivet i Etne og Vindafjord når vi ikkje har eigne stortingsrepresentantar frå kommunane? Her er vårt svar:

Høgre sine kandidatar frå Sunnhordland og Rogaland kjenner både Etne og Vindafjord godt. Gjennom vårt virke på fylkesting og Storting har vi tett kontakt med lokale representantar frå begge kommunar. Til dømes har vi i denne perioden samarbeidd om saker knytte til E134-utbetringane og utfordringar for lokalt næringsliv. Vegen til oss på Stortinget er berre ein telefonsamtale unna.

Utfordringane har vore store. Gjennom denne stortingsperioden har skatte- og avgiftsnivået auka kraftig for både privatpersonar og bedrifter. Det same har prisnivået, renter og basiskostnader som straum. Dette rammer vestlandske bedrifter særs hardt og svekkjer deira evne til omstilling og konkurranseevne.

Høgre sine konkrete løfter for neste periode:

1. Kutt i skatt og avgifter. Vi vil fjerne formuesskatten på arbeidande kapital. I dag betalar norske eigarar formuesskatt medan utanlandske eigarar slepp. Dette set lokale arbeidsplassar i fare når norske bedrifter blir selde til utanlandske aktørar som kan legge ned lokal produksjon. Fleire bedrifter i vårt distrikt er i denne faresona.
2. 2. Mindre byråkrati og raskare planprosessar. Vi vil gi kommunane større råderett over eigne areal. Etne og Vindafjord har sine naturgitte kvalitetar som må kunne utviklast i tråd med kommunane sine ønskje, utan unødvendig sentralstyring.
3. Betre infrastruktur. Høgre vil auke samferdslebudsjetta for å få på plass nødvendige oppgraderingar av E134 og fylkesveinettet. Dette inkluderer sikring mot ras og skred, samt betre drift og vedlikehald.
4. 4. Meir mangfald og valfridom. Vi vil at kvar enkelt skal sitte att med meir pengar etter skatt, slik at folk sjølv kan velje dei tenestene som gir best velferd. Vi støttar også private barnehagar og institusjonar som supplement til det offentlege tilbodet.

Vårt løfte til Etne og Vindafjord. Vi vil kjempe for at dykkar kommunar saman med alle distriktskommunar i får flotte landsdel. Vi er opptekne av at våre kommunar skal ha ei framtid som levande bygder med arbeidsplassar.

Vi legg vekt på å vera eit parti med nær tilknytning til kommunar og næringsliv – for arbeidsplassar, infrastruktur og gode liv er det viktigste for gode og vefungerande lokalsamfunn.

Liv Kari Eskeland, Stortingsrepresentant Høgre