Nå kan DU endeleg få følgja med på alt» me politikarar gjere på!

Etne framstegsparti har i fleire år vore ein forkjempar for meir innsyn og meir opne prosessar. Me ville at kommunestyremøta skulle overførast med lyd og bilete over internett og dette gjekk me til val på i 2015 og fekk dette gjennomført ila. førre periode. Nå var tida inne for å ta eit nytt digitalt løft for openheita. Me ønskte meir openheit, meir innsyn og ein enklare kvardag for folk flest i Etne kommune.

At innbyggjarar kan få sjå og høyra kva som vert sagt når politikarane og administrasjon skal handsama saker, spesielt sin eigen, er eit viktig tilbod for å auka medverknad og openheit mellom innbyggjar og folkevald nivå. Det er ikkje nok at eit møte er opent», dei politiske møta må vera tilgjengelege for folk flest. Men når møta føregår i folk flest sin arbeidstid er det få som kan delta.