Kva får me att for å oppgradera oss frå «lett» til «tung» industri?

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Det er godt å sjå at kommunestyret i Vindafjord no verkar samde om éin ting: Eit biogassanlegg i Ølen kjem til å gi ulemper.

For elles hadde det vore vanskeleg å forklara kvifor ein må gå til det ganske drastiske steget å endra arealformålet på Nerheim næringsområde. Dagens plan er jo ikkje ukjend: forretning, kontor og lett industri. Og «lett industri» betyr at ein ikkje ønskjer verksemd som inneber brann- og eksplosjonsfare, eller som kan vera til vesentleg ulempe for naboar gjennom støy, forureining eller trafikk.