Kraftbehovet aukar – og vi treng meir fornybar energi, ikkje mindre

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Christian Åreskjold skriv i eit innlegg i Grannar 27. januar at Noreg ikkje har akutt kraftmangel i dag, og det er riktig. Men bildet han teiknar, skjuler den viktigaste utviklinga: Det er ikkje dagens kraftbalanse som skapar utfordringar – det er framtidas behov.

For å sikre arbeidsplassar, industri og velferd i tiåra framover, treng vi både meir kraftproduksjon og eit betre straumnett. Det er ikkje eit val mellom «kraft» og «nett», men eit samspel mellom begge delar.