Ja til ein sakleg og nyansert debatt!

Eg drista meg til å skriva nokre kritiske ord om debattforma som er brukt i to lesarinnlegg frå Motvind Norge med sitt kontor i Oslo, vedkomande vindkraft-planar på Døldarheia. Og la til at her i Vindafjord trur eg at folk flest vil ha ein sakleg debatt med gjensidig respekt».

I eit motsvar klarer Rune Bråthen det kunststykket å snu dette om til ein kritikk av den lokale vindkraftdebatten. Nei, i innlegget mitt har eg ikkje omtalt den lokale vindkraft-debatten!

Lokalt kan eg derimot følgja Bråthen eit stykke på veg. Også eg er imot vindkraft på kvar haug». Det skal me ikkje ha! Men kanskje me kunne finna plass til litt slik fornybar energi, og gje vårt vesle bidrag til eit leveleg klima på vår klode?