Brannsikkerhet og tett trehusbebyggelse i Skånevik

Svar til Vigdis Madssen sitt innlegg laurdag 30. september

Bakgrunnen for arbeidet er ROS- og førebyggjande analyse til Etne brann og redning (EBR). Her vart det peika på behov for ei eiga kartlegging av den tette trehusbebyggelsen i Skånevik.

Området består av mange eldre bygg, fleire frå før 1900, og har ikkje vore grundig kartlagt tidlegare.

Difor gjennomfører vi no eit prosjekt som ser på:

• branntryggleik i bygga generelt

• avstandar og mogleg brannspreiing

• bruk og tilstand på bygga

• lokale vêrforhold

• eksisterande og nye førebyggjande tiltak

Beredskap handlar ikkje berre om utstyr på brannstasjonen. Det handlar òg om å redusere risikoen for at ein brann oppstår eller får spreie seg.

Etne kommune har difor engasjert Q Rådgivning, som har god kompetanse på brannsikkerheit i tett trehusbebyggelse. Dette er i tråd med brannordninga, som seier at det må setjast av ressursar og fagkompetanse til kartlegginga.

Innbyggjarane er òg ein viktig del av branntryggleiken. Prosjektet skal bidra til at fleire blir merksame på kva dei sjølve kan gjere – frå plassering av røykvarslarar og sløkkeutstyr, til korleis boss, kledning eller isolasjon kan påverke risikoen for brann og brannspreiing.

Dette er eit målretta og nødvendig tiltak for å trygge eit område som er særleg utsett. Å kartlegge og setje i verk førebyggjande tiltak er difor ei investering i liv, helse og verdiar.

Åsmund Andersen Sekse

Kommunedirektør