Biogass i Vindafjord – ei moglegheit me ikkje må miste

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Vindafjord kommune står no midt i ein viktig reguleringsprosess knytt til etablering av biogassanlegg på Nerheim i Ølen. I denne fasen er det avgjerande med open og god dialog mellom utbyggjar Biovind, kommunen og naboane som er urolege for anlegget. Dette er ei sak som engasjerer, og det er både rett og nødvendig at ulike synspunkt kjem fram – samstundes som me held fast ved dei langsiktige interessene i å få på plass eit biogassanlegg.

Nerheim næringsområde er det einaste realistiske området i kommunen for eit slikt anlegg. Det har vore kjent heilt sidan arbeidet med industriområdet starta, at dette var ein høgst aktuell lokasjon for biogass. Initiativtakarane bak prosjektet har vore aktive investorar i næringsområdet nettopp med dette i tankane.