AF sine planar trugar fjordane våre – og lokalsamfunnet

Det er med stor interesse – og aukande uro – vi som berørte grunneigarar har følgt prosessen rundt AF sine planar. Kjensla av avmakt er sterk. Vi må bruke tid og energi på å kjempe mot ein aktør som, under dekke av det grøne skiftet, forsøker å ta seg til rette på eigedomane våre og påføre lokalmiljøet meir forureining, støy og øydelegging av natur.

AF er ein stor kommersiell aktør som nyttar miljøretorikk som alibi for å gjennomføre tiltak som vil ha alvorlege konsekvensar for både luft, sjø og livskvalitet. Økosystema i både Vatsfjorden og Yrkesfjorden er allereie under sterkt press. Dette burde i seg sjølv vera nok til å stanse planane.

Undersjøisk sprenging og utfylling av sprengstein i sjø har dokumentert negativ effekt på marine økosystem. Det fører til spredning av partikler og metaller, som kan skade både fisk og bunndyr. Sprengning skaper trykkbølger som kan gi permanente skader på fisk og marine pattedyr, og føre til endringar i havbunnen som øydelegg viktige naturtypar som tareskog og ålegrasenger

Ålegrasenger, som finst i Vatsfjorden, er spesielt sårbare. Dei fungerer som viktige oppvekstområder for fisk, bidreg til karbonlagring og dempar effekten av klimaendringar. Øydelegging av ålegras kan føre til tap av biologisk mangfald og redusert motstandskraft i økosystemet

I tillegg blir det drive heilårleg kommersielt fiske, særleg i Yrkesfjorden, og til dels i Vatsfjorden. Denne aktiviteten vil bli sterkt redusert – eller heilt uaktuell – dersom AF får gjennomslag. Fjordane er også viktige for fritidsfiske og rekreasjon for innbyggjarane i Vats, Yrke og omkringliggjande bygder. Dette er matfatet til mange, både i mengde og verdi.

Støyforurensning frå sprengning og anleggsarbeid er ein annan alvorleg faktor. Undervannsstøy kan føre til stress, fryktreaksjonar og endra åtferd hos fisk, og i verste fall skade eller død. Dette påverkar både kommersielt fiske og naturens balanse

Vi stiller også spørsmål ved hastverket i saka. AF planlegg å sprenge ut fjellhallar på Raunes for lagring av massar til betongunderstell. Vi fryktar at det ligg ein skjult agenda bak – kan desse hallane seinare bli brukt til lagring av spesialavfall, til dømes lågaktivt radioaktivt avfall frå AF si eksisterande verksemd? Erfaringar frå liknande prosjekt viser at slik lagring kan medføre risiko for lekkasjar og spreiing av miljøgifter

Tysvær kommune gjorde det rette ved å avvise planane. Det er difor med stor forundring vi ser at leiinga i Vindafjord kommune stiller seg på AF si side og forsøker å påverke Tysvær til å snu. Dette er dårleg politisk teft. Vindafjord burde heller ha stilt seg bak Tysvær sine velgrunna argument mot prosjektet – ikkje minst fordi konsekvensane vil ramme vår side av fjorden med fleire landfester og auka aktivitet.

Me undrast også på kva som er den økonomiske gevinsten for Vindafjord i denne saka. AF Offshore Decom er eit Oslo registrert firma, og det er kun et fåtall som jobbar på basen som skattar til Vindafjord

Vi blir kraftig provoserte når AF påstår at dei har god dialog med naboar og grunneigarar. I den grad det har vore dialog, har den på ingen måte vore god. Eit godt døme på dette er når me oppdagar streker på kart i hørings utkast, som går rett over eigedomane våre og me er ikkje informert.

Dette er ei samla uttale frå alle berørte grunneigarar i Vats. Vi ber om at våre stemmer blir høyrde – og at fjordane våre får det vernet dei fortener.

Det er nå på høg tid me får eit lokalt engasjement på denne saka!

Roger Dale, Leif Dale, Lill Eva Dale, May Hilde Nesheim, Inger Dagny Nising,Jonny Frøland, Jan Åge Haugen og Lars Berge Gjerde.