Større liga er neste mål

Sundag er det sesongopning for dei 16 beste fotballaga i Noreg. FK Haugesund og vatsbuen Kristoffer Haraldseid spring ut på kunstgraset i Sarpsborg for å kjempe om dei første poenga som skal delast ut.

— Eg ser ekstremt mykje fram til denne sesongen. Eg ønskjer å ta nye steg i karreiren, seier han til Grannar.

Og det er ikkje rart han er motivert. Med ei pil som peikar oppover for karrieren, og utgåande kontrakt i FKH, så kan også dette bli året kor han når draumen om å få spele i ein større liga i utlandet.