Leiar Johnny Vik i Ølen IL jobbar mot ein fotballhall på denne tomta.
ARKIVFOTO: SVEIN-ERIK LARSEN
Sport
Stor tru på fotballhall
Ølen IL vil bygge ein fotballhall til 40 millionar kroner på idrettsområdet i bygda. Leiar Johnny Vik håpar å få leigeavtalar med Vindafjord kommune og Rogaland fylkeskommune som sikrar forsvarleg drift.
— Får me til leigeavtalar som sikrar ein million i året trur eg me får det til, seier leiar Johnny Vik i Ølen IL.
Hallen skal etter planen vere 70×50 meter stor og ha ein 9ar-bane. Årsmøtet til idrettslaget torsdag sette ein frist til 31. august for å få på plass ein finansieringsplan for hallen. Dersom dei ikkje har det går dei i gang med å berre bygge 9ar-bane. Vik understrekar at grunnarbeid og grunnfyllet i kunstgraset blir annleis utandørs enn innandørs, og at det følgeleg ikkje kan byggast ein hall rundt banen ved eit seinare.
— Dersom me ikkje gjer det nå er det ikkje aktuelt for oss å bygge hall dei neste 10-15 åra, fortel idrettslagsleiaren.
