Haugesund Sparebank har vore på draktene til Skjoldar i mange år. Her illustrert med damelaget til Skjoldar/Vats/Vik/Vind. Bak frå venstre Julie Bakkevik, Oda Wannberg, Lovisa Jamne, Tomine Teistedal Haraldseid, Kristin Vestre Skree, Perly Sandvik, Maren Haugen og Thea Karoline BlikraFramme frå venstre Ellen Kristine Frøland, Bjørg Irene Frøland, Silje Berge, Gjertrud Blikra, Lena Sjurseike og Mira Kalstveit.
ARKIVFOTO: MAGNE SKÅLNES
Starta haustsesongen med siger
Skjoldar/Vats/Vik/Vind fekk ein pangstart på haustsesongen borte mot Vard/Skjold på Grinde kunstgras onsdag kveld. Scoringar frå Gjertrud Blikra og Anna Nesheim Fuglestein sørga for ein solid 0-2-siger.
Sigeren gjer at Grannar-distriktet sine beste kvinner gjekk til topps på 4. divisjon avdeling 2. Med 21 poeng på åtte kampar kjempar dei i toppen mot Torvastad 7ar og Åkra som møttest måndag kveld. 2-1-siger i toppkampen gjer at Åkra tar andreplassen bak Skjoldar/Vats/Vik/Vind med dårlegare målforskjell, mens Torvastad 7ar blir liggande tre poeng bak.
