Ny siger — heng med i toppen

Håvard Stople opna ballet for Etne med det som blei den einaste scoringa i første omgang. Etter pause dobla Sverre Ramsfjell leiinga for gjestane. Rubbestadnes fekk seg ei redusering, men Bjørnar Aastvedt si scoring sørga for at det enda 1-3. Etne og Aastvedt følgde med det opp den dramatiske 2-1-sigeren mot Vedavåg på måndag der Aastvedt blei matchvinnar på overtid.

Rivalen i toppen av 5. divisjon avdeling 4, Torvastad, sin 1-2-siger gjorde Etne sin bortetriumf ekstra viktig. Avstanden mellom dei to laga etter ni kampar held seg dermed på tre poeng i Torvastad sitt favør, ein avstand som oppstod då laga møttest på Karmøy 2. juni.