Målrik og jamn kamp på Bjoa
Kampen mellom Bjoa og Vindafjord i 7. divisjon starta med eit brak. Heile fem mål vart skåra det første kvarteret, og slik heldt det eigentleg fram heile kampen. Vindafjord var heile tida det laget som låg foran, men Bjoa jaga utlikning heilt til siste spark på ballen. Stillinga ved pause var 3-4 til Vindafjord.
Begge lag er påmeldt med 7’ar lag, og då er speletida to ganger tretti minuttar. Med to offensive lag på bana, vart det målsjansar i begge endar nesten heile tida. Det vart litt mindre skåringar i den andre omgangen, men Vindafjord trakk det lengste strået til slutt. Petter Asheim Nordskog vart kveldens hattrick-helt for Vindafjord, med sine tre skåringar.
Vindafjord ligg med dette midt på tabellen med sju poeng, medan Bjoa ligg sist med sine to.
