Fikse skytebane er oppgradert og klar til å ta imot årets Hordastemne.Arkivfoto
Hordastemnet samlar over 300 skyttarar
Dei to skyttarlaga i Ølen og Etne slå på stortromma laurdag og sundag. Landsdelskretsstemnet samlar det meste av skyttarar i dei tre skyttarsamlaga Sunnhordland (inkludert skyttarlaga i Vindafjord og Haugesund i Rogaland), Hardanger og Voss og Hordaland (Bergen og Nordhordland) til baneskyting på Fikse.
Reidar Rødne i Etne skyttarlag fortel at mellom 30 og 40 personar er involvert for å dra i hamn det store arrangementet, som er det høgast rangerte stemnet etter Landsskyttarstemnet.
— I tillegg til dei mange skyttarane, kjem familie og venner, slik at me ventar mellom 700 og 900 tilreisande i helga. Dei fleste kjem i bulbil og vil overnatta i området på Fikse. Me tilbyr frukost og mat i eit stort grilltelt og vil ha ein stor kjøkengjeng i sving, seier Rødne.
