Historisk jaktfeltstemne og stor interesse

Søndag var det sol frå skyfri himmel over skytefeltet i Nedre Vats klart, men den sterke vinden sette sitt preg på det aller første jaktfeltstemnet som nokon gong blir arrangert i Vindafjord. Bak stengde vegar og nygrusa vollar låg måla spreidd utover i terrenget – klare til å utfordra både presisjon, pusteteknikk, og ikkje minst i vinden, som suste friskt mellom trea.

Rundt 100 skyttarar hadde meldt seg på, fordelt på ti lag som gjekk ut med 25 minutts mellomrom.

— Me har jobba mykje med løypa, og det er kjekt å sjå så mange engasjerte skyttarar, fortel Anita Træet som er med i arrangementskomiteen.