Eventyrlege fotballdagar austpå

Sjølv om ein i skrivande stund berre er ferdig med den tredje dagen av den store cupveka, er det all grunn til å ta fram store smil og ditto superlativ for innsatsen til dei lokale laga. Som tradisjonen tru har reist i flokk og følgje over fjellet, for å få kjenna på korleis det er å vera del av den store fotballfamilien. Og samstundes få målt seg i kampar mot enno ukjende motstandarar.

Ukristeleg tid

— Dei såg jo ganske så gode ut, og me tenkte at her kan det bli litt stritt, fortel Trygve Hjelmeland Moe. Klokka er framleis ikkje komen til tradisjonell lunsjtid, men gutane på Etne sitt 15-årslag har allereie vore på beina i timesvis. Når opningskampen startar klokka åtte på Valle Hovin, er det ingen veg utanom å setje vekkjarklokkene på 05.50.