Vinmonopolet får kritikk for akevittkalender

Alkovettorganisasjonen Av-og-til meiner adventskalenderen til Vinmonopolet med 24 flasker sprit sender ut uheldige signal.

Det skriv NRK.

– Å telje ned til jul med sprit kvar dag i desember er ein dårleg idé. Desember er allereie ein månad med mange høve til å drikke, seier generalsekretær Ragnhild Kaski i Av-og-til til rikskringkastaren.

Kaski tenker særleg på dei barna som allereie opplever at foreldra deira har litt for mange grunnar til å drikke meir i desember.

Helsedirektoratet seier til NRK at dei ikkje tilrår sal av adventskalendrar med alkohol, slik Vinmonopolet no tilbyr med 24 flasker akevitt.

(NPK)