Vindafjord-ordføraren: — Ein tung dag

— Dette er ein tung dag og mine tankar går først og fremst til dei pårørande som har mista eit kjært familiemedlem, seier Madland til Grannar.

Ho har overtatt den politiske leiinga av Vindafjord etter at ordførar Ole Johan Vierdal blei sjukmeldt etter eit fall frå hyttetakt i sommar, og har som ein del av krisestaben følgt den dramatiske utviklinga på nært hald.

Det var torsdag for ei veke sidan det blei kjent at det var påvist smitte ved Vindafjordtunet, med sine vel 50 bebuarar. Sundag stadfesta kommunen at fleire tilsette og bebuarar var smitta. Dette gjaldt fire tilsette og ni bebuarar på éi avdeling. Sidan smitten blei påvist, har det vore stengt for besøkande både ved Vindafjordtunet og Ølen omsorgssenter, samt andre strenge restriksjonar.