Vindafjord: Bil på felgen – sjåføren mistenkt for ruskøyring
Politiet melde klokka 23.45 laurdag kveld at ein bilførar var stoppa for mistenkeleg køyring i Nedre Vats.
Det var kome inn observasjonar på den rare køyringa, og for politiet framstod føraren berusa.
Blodprøvetaking vil dokumentera om det er tilfelle.
Annonse
Observasjonane gjekk ut på at føraren fleire gonger hadde vore i nærleiken av å køyra inn i autovernet, og at bilen hadde dårleg styring grunna eit punktert dekk.
Mistenkte er ein mann i 40-åra. Førarkortet hans vart tatt frå han.
