Vil ha barnehage-utbygging
Mellom anna utbygging av barnehagen i Skjold stod på programmet under måndagens folkemøte i Skjold Arena. Både politikarar og folk frå salen uttrykte misnøye med manglande alternative løysingar for å avhjelpa mangelen på barnehageplass fram til ny barnehageutbygging står ferdig.
— Små barn og mellombelse løysingar passar ikkje saman. Det heile er i det blå, seier tilflytta skjoldabu Malin Nådland og likar lite at ho kanskje må senda eittåringen sin til Vats i mangel på barnehage i Skjold.
— Nå vurderer eg å bli heime mot kontantstøtte. Dette handlar om trygge ungar. Me kan ikkje senda ungane att og fram, først til Vats og så seinare til Skjold. Og for enkelte blir det langt å køyra, seier trebarnsmora og meiner dessutan opningstidene i barnehagen bør vera så lange at det er mogeleg å henta ungane.
