Kommunedirektør Yngve Folven Bergesen (f.v.) har arbeida fram eit forslag om fritkak frå eigedomsskatt for unge førstegangsetablerar. Saka blei bestilt av ordførar Ole Johan Vierdal (sp), varaordførar Gustav Løge Fosse (KrF) og resten av eit einstemmig kommunestyre.
ARKIVFOTO: SVEIN-ERIK LARSEN
Vil gi bustadhjelp til unge
Kommunedirektøren foreslår ei ny tilskotsordning som skal dekke eigedomsskatt for førstegongsetablerarar under 35 år i Vindafjord. Ordninga har blitt bestilt av kommunestyret og blir høgst truleg vedteken.
Dette kjem fram i saksinnkallinga til eit møte i formannskapet kommande tysdag.
Ordninga som kommunedirektør Yngve Folven Bergesen foreslår, vil gjelde frå og med 1. januar 2025 for heimelshavarar som blir eigarar av sin første bustad i Vindafjord og er under 35 år ved innflytting. Etter søknad blir det gitt tilskot tilsvarande eigedomsskatten som må betalast for eige husvære.
— Tilskotet blir gitt i fem år eller til ordninga blir avslutta, skriv Folven Bergesen.
