Vettlaus køyring
Politiet fekk like før middag fredag melding frå vitner om køyring utan mål og meining i Vikebygd.
Ei politipatrulje oppsøkte miljøet kor dei unge bilførarane skulle opphalda seg, og fekk kontakt.
Ifølgje dei som rapporterte inn forholda, skal det ha vore temmeleg vettlaus køyring inkludert omfattande børning.
Annonse
Vaktsjef Trond Børge Åsbu ved politistasjonen i Haugesund seier at sidan politiet sjølv ikkje hadde vore vitner, vart det ikkje oppretta sak.
Ungdommane hadde rett nok fått ein leksjon i kva slik køyring kan føra med seg for andre trafikantar og dei sjølve.
